గర్భధారణ సమయంలో కొంతమందికి సుద్దను తినాలని ఎందుకనిపిస్తుంది? | Eating Chalk: What You Need to Know About This Unusual Craving in Telugu

చాలా మందికి సుద్దను తినాలనే కోరిక లేదా తినాలని అనుకుంటారు. ఇది ఇతరులకు వింతగా అనిపించవచ్చు. సాధారణంగా.. చాలా మందిలో, ఈ సుద్ద తినడం అనేది పోషకాల లోపాన్ని సూచిస్తుంది. కానీ కొంతమందిలో ఇదొక సులభమైన విషయం కాదు. ఎందుకంటే వారు తమ సుద్ద తినాలనే కోరికను అస్సలు నియంత్రించుకోలేరు. సుద్ద వంటి ఆహారం కానటువంటి వస్తువులను తినాలన్న తీవ్రమైన కోరికలు ఉన్న వ్యక్తులు పికా అనే వైద్య పరిస్థితితో బాధపడుతూ ఉండవచ్చు. ఈ పరిస్థితిలో వైద్య సంరక్షణ ఎంతో అవసరం.. అయితే తరచుగా చేసే సరైన దిశానిర్దేశం ఇంకా సప్లిమెంట్ల ద్వారా ఈ సమస్యను దూరం చేయవచ్చు. సుద్ద తినడం వల్ల అనేక దుష్ప్రభావాలు కూడా ఉన్నాయి. ఈ వ్యాసంలో ఈ సమస్య గురించి వివరంగా ప్రస్తావించబడింది.

కొంతమంది ప్రత్యేకంగా సుద్దనే ఎందుకు తింటారు? (How can you tell if eating chalk is harmful in Telugu)

పికా లక్షణాలతో బాధపడుతున్న వారిలో తమ తినాలనే కోరికలను తీర్చుకోవడానికి వివిధ రకాల ఆహారేతర పదార్థాలను తినాలనే కోరికలు తరచుగా కలుగుతాయి. కానీ.. కొంతమంది కేవలం సుద్దను మాత్రమే తింటారు. ఇతర ఆహారాలు కాని వాటిని కోరుకోరు. కొంతమంది సుద్దను మాత్రమే తినడానికి గల కొన్ని కారణాలు:

• రక్తంలో తక్కువ జింక్ ఇంకా ఐరన్ స్థాయిలు ఉన్నప్పుడూ.
• అందుబాటులో ఉండని ఆహారం ఇంకా వారి తర్వాతి భోజనం గురించి ఆందోళన ఉన్నప్పుడూ.
• OCD రోగులు మరియు ఆందోళన సమస్యలతో బాధపడుతున్న వ్యక్తులకు సుద్ద తినడం ఓదార్పునిస్తుంది.
• కొందరికి సుద్ద కనిపించే తీరు ఇంకా దాని రుచి ఉపశమనం కలిగిస్తుంది.

సుద్ద తినడం హానికరం అని ఎలా చెప్పగలరు? (Risks of eating chalk in Telugu)

అరుదుగా సుద్ద తినడమనేది హానికరం కాదు. కానీ, ఎవరైనా ఇది తినాలనే కోరికను నియంత్రించుకోలేకపోతే, వారు వెంటనే వైద్య పరీక్షలు చేయించుకోవాలి.

పికా లక్షణాలతో ఉన్న రోగికి రోగ నిర్ధారణ చేయడంలో ఇవి ఉంటాయి:

• రోగి ఆహారపు అలవాట్లను ప్రశ్నించడం.
• సుద్ద తినాలనే కోరికల తరచుదనాన్ని గమనించడం.
• సుద్ద తినాలనే కోరికను ప్రభావితం చేసే ఇతర కారణాలను తెలుసుకోవడం.

ఈ సమాచారంతో.. రోగి సుద్ద తినే అలవాటులో ఒక ప్రత్యేక తరహా అలవాటును కనుక్కోనేందుకు వైద్యులు ప్రయత్నిస్తారు. అది ఒక ప్రత్యేక తరహా అని తెలిసినప్పుడు, వైద్యులు కొన్నిరకాల రక్త పరీక్షలు చేయించుకోమని చెబుతారు. ఈ పరీక్షలు రక్తహీనత, లెడ్ లాంటి విషపదార్థాల జాడ లేదా ఇతర వైద్య పరిస్థితులను తెలియజేస్తాయి. ఈ స్థాయిలు పెరిగినట్లయితే, రోగికి వైద్య సహాయం అవసరమౌతుంది. అటువంటి రోగుల ఆరోగ్యం ఇంకా క్షీణించకుండా తక్షణమే వైద్య సహాయం పొందాలని సూచిస్తారు.

సుద్ద తినడం వల్ల కలిగే ప్రమాదాలు (Why do some people eat chalk specifically in Telugu)

సుద్ద విషపూరితం కానిది అయినప్పటికీ, తరచుగా తీసుకోవడం వలన తీవ్రమైన ఆరోగ్య ప్రమాదాలు ఏర్పడవచ్చు.

సుద్ద తినడం వల్ల కలిగే దుష్ప్రభావాలు ఏమిటంటే:

1. దంతాలకు నష్టం (Dental damage)

చాలా మంది సుద్ద తినే అలవాట్ల వల్ల పుప్పి పళ్ళు ఇంకా దంతక్షయం వంటి దంత సమస్యలను ఎదుర్కొంటారు.

2. జీర్ణక్రియ సమస్యలు మరియు ప్రేగుల్లో అవరోధమేర్పడటం (Digestion issues and bowel obstruction)

సుద్ద ఆహారేతర పదార్థం కాబట్టి, దీనిని శరీరం సులభంగా జీర్ణం చేసుకోలేదు. వీటి అవశేషాలు ప్రేగులలో అవరోధం కలిగించడం మూలాన అది మలబద్ధకాన్ని కలిగించవచ్చు.

3. ఆహారం తినలేకపోవడం (Inability to eat food)

తీవ్రమైన సుద్ద తినే అలవాటు ఉన్న రోగులు కాలక్రమేణా అసలు ఆహార పదార్థాలను తినే సామర్థ్యాన్ని కోల్పోతారు. ఇది రోగిలో తీవ్రమైన పోషకాహార లోపానికి ఇంకా బరువు తగ్గడానికి కారణమవుతుంది.

4. టాక్సిన్స్ (Toxins)

సుద్ద తినడం వల్ల, రోగుల రక్తంలో టాక్సిన్స్(విషపదార్థాలు) ఎక్కువగా ఉంటాయి. వైద్యులకు సాధారణంగా ఇలాంటి రోగుల రక్తంలో సీసం లేదా పరాన్నజీవుల జాడలు కనిపిస్తాయి.

మీకు ఇది కూడా నచ్చుతుంది: 1 వ వారంలో ప్రెగ్నెన్సీ లక్షణాలు

గర్భధారణ సమయంలో సుద్దను తినడం (Eating chalk during pregnancy in Telugu)

కొంతమంది మహిళలకు గర్భధారణ సమయంలో వివిధ ఆహారాలను తినాలనే తీవ్రమైన కోరికలు ఉంటాయి. అందుకే వివిధ ఆహార పదార్థాలను తినేందుకు ప్రయత్నిస్తారు. సాధారణంగా.. సుద్దను తినాలనిపించే గర్భిణీ స్త్రీలు తమ వైద్యుడిని - గర్భధారణ సమయంలో సుద్ద తినవచ్చా? అని అడుగుతారు. అయితే, గర్భిణీ స్త్రీలు సుద్దను తినకూడదని వైద్యులు కరాకండిగా చెబుతున్నారు. ఎందుకంటే, ఇది వారి కడుపులోని బిడ్డకు హాని కలిగిస్తుంది. అంతేకాక, గర్భధారణ సమయంలో సుద్ద తినడం వల్ల అది తల్లి ద్వారా బిడ్డకు అందవలసిన అవసరమైన పోషకాలను అందకుండా చేస్తుంది. ఇది పిండం ఎదుగుదలను ఇంకా శిశువులో వికాసాన్ని ఆలస్యం చేయవచ్చు.

గర్భధారణపు 9వ నెలలో సుద్ద తినడం వల్ల ఎలాంటి సమస్యలు ఉండవని కొందరు మహిళలు పొరబడుతారు. ఈ దశలో శిశువు పూర్తిగా రూపుదిద్దుకొని ఉంటుంది కాబట్టి, దాని వల్ల ఎటువంటి ముప్పు లేదని వారు భావిస్తారు. కానీ ఇది నిజం కాదు; తల్లి సుద్ద తినే అలవాటు వల్ల అది గర్భదారణలో ఏ దశలోనైనా బిడ్డపై తీవ్ర ప్రభావం చూపుతుంది. 9వ నెలలో కూడా తల్లి సుద్దను తింటున్నట్లయితే.. ఆమె అసలైన ఆహారాన్ని సుద్దతో భర్తీ చేసినట్లవుతుంది. ఇది సరైన పోషకాలను అందకుండా చేస్తుంది. ఇంకా వారిలో ఆకలిని కూడా తగ్గిస్తుంది. దాని వల్ల, శిశువుకు అందాల్సిన పోషకాలు తగినంతగా అందవు, ఇది తీవ్రమైన ఆరోగ్య సమస్యలను కలిగిస్తుంది. గర్భిణీ స్త్రీలకు సుద్దను తినాలని అనిపిస్తే, వారి ఈ సమస్యను తగ్గించే సప్లిమెంట్లను వాడేందుకు వారి డాక్టరు గారిని సంప్రదించాలి.

సుద్ద తినడమనే అలవాటుకి చికిత్స ఏమిటి? (How is eating chalk treated in Telugu)

సుద్ద తినాలనే కోరిక ఉన్న రోగుల కొరకు రెండు వేర్వేరు రకాల చికిత్సా పద్ధతులు ఉన్నాయి. వైద్యులు రోగిలో ఈ లక్షణాలను నిర్ధారించిన తర్వాత ఇంకా కొన్ని పరీక్షలను జరిపించి, ఆ తర్వాత తగిన చికిత్సా పద్ధతులను ఎంచుకుంటారు. పరీక్ష ఫలితాలు, రోగికి సరైన చికిత్సను గుర్తించడంలో వైద్యులకు సహాయపడతాయి.

1. రోగి పరీక్షా నివేదికలు పోషకాహార లోపాలను చూపిస్తే, విటమిన్లు ఇంకా ఇతర సప్లిమెంట్లు వారికి సూచించబడతాయి. రోగి అటువంటి సప్లిమెంట్లను తీసుకున్న తర్వాత సాధారణంగా వారికి సుద్ద తినాలనే కోరికలు కలగవు.

2. OCD లేదా పికా వంటి వైద్య పరిస్థితులు ఉన్న రోగులు వారి కోరికలను అణుచుకొనేందుకు తగిన సహాయం కోసం థెరపిస్ట్‌లను సంప్రదించాలని సూచిస్తున్నారు.

ముగింపు (Conclusion)

సుద్ద తినడం చాలా అరుదుగా ఉంటే.. అది అంత ఆందోళన కలిగించే విషయం కాదు. కానీ, ఆ కోరికలు చాలా తీవ్రంగా ఇంకా తరచుగా కలుగుతూ ఉంటే.. అలాంటి వారికి తక్షణ వైద్య సహాయం అవసరం కావచ్చు. అంతేకాక, పిల్లలు ఇంకా పెద్దలలో సుద్ద తినే అలవాట్లను ఎలా నియంత్రించాలో, పికా లక్షణాలేమిటో, మరింత వివరంగా తెలుసుకోవడానికి, మైలో యాప్‌ని సందర్శించండి.

References

1. Advani S, Kochhar G, Chachra S, Dhawan P. (2014). Eating everything except food (PICA): A rare case report and review. J Int Soc Prev Community Dent.

2. Bonglaisin JN, Kunsoan NB, Bonny P, Matchawe C, Tata BN, Nkeunen G, Mbofung CM. (2022). Geophagia: Benefits and potential toxicity to human-A review. Front Public Health.

Tags

Why do people eat chalk in Telugu, What are risk of eating chalk in Telugu, Eating chalk during pregnancy in Telugu, Eating Chalk: What You Need to Know About This Unusual Craving in English, What Causes Some People to Want to Eat Chalk in Hindi, What Causes Some People to Want to Eat Chalk in Tamil, ⁠What Causes Some People to Want to Eat Chalk in Bengali